Нұрымбет Сақтағанов Шемонаиха ауданындағы Артемьев шахтасында кәсіпорын қызметкерінің қаза болуына байланысты бүгін «Востокцветмет» ЖШС мен KAZ Minerals тобы басшылығымен кездесті, деп хабарлайды Buqara.kz сайтының тілшісі.

Аймақ басшысы алдымен марқұмның туған-туыстары мен жақындарына қайғыра көңіл айтты.
– Кездесу барысында оқиғаның мән-жайын жан-жақты әрі ашық тексерудің маңызын ерекше атап өттім. Сондай-ақ кәсіпорынның уәкілетті мемлекеттік органдармен және жергілікті атқарушы органдармен жедел әрі тиімді өзара іс-қимылын қамтамасыз ету қажеттігін жеткіздім, – деді Нұрымбет Аманұлы.
Облыс әкімінің сөзінше, еңбек қауіпсіздігі мәселелері әрдайым басты назарда болуы тиіс.
– Компания басшылығына өнеркәсіптік қауіпсіздік пен еңбекті қорғау талаптарын қатаң сақтау, уәкілетті органдардың барлық нұсқамаларын уақтылы орындау және осындай оқиғалардың алдын алу үшін қажетті шараларды қабылдау маңызды екенін атап өттім. Кездесу қорытындысыда орынбасарыма осы өндірістік нысандағы қауіпсіздік шараларын күшейту жөніндегі ұсыныстарды әзірлеп, салалық министрлікке жолдауды тапсырдым, – деді әкім.

Фотосурет: saktaganovnurymbet парақшасынан