ҚР Еңбек және халықты әлеуметтік қорғау министрлігі Еңбек инспекциясы комитетінің ШҚО департаментінің басшысы Бақытбек Қизатов жарты жылды қорытындылады, деп хабарлайды Buqara.kz сайтының тілшісі.

Айтуынша, биыл алты айда тіркелген оқиғалардың салдарынан төрт адам ажал құшты.

– Жыл басталғалы өңірдегі кәсіпорындарда 62 адам зардап шекті. Оның ішінде 4-уі өліммен аяқталды. 36-сы ауыр және 18-і жеңіл жарақат алды, – деді Бақытбек Қизатов.

Ресми мәліметке сүйенсек, 2025 жылдың дәл осы кезеңінде кәсіпорындарда 50 адам зардап шеккен.