«Әділет» партиясының мүшелері шығыстағы ауылдарды аралап, жергілікті тұрғындармен кездесті, деп хабарлайды Buqara.kz сайтының тілшісі.

Сапар кезінде сайлауалды бағдарламаның елдімекендерді дамытуға арналған бағыты түсіндірілді. Ауыл халқына құжатта берілген әр ұсыныстың маңызы қарапайым әрі түсінікті тілмен жеткізілді. Кездесуде тұрғындардың күнделікті өміріне қатысты мәселелер мен ұсыныстар тыңдалды. Үгіт жұмысы ашық әңгіме өткізуге және көтерілген сауалдардың шешімін бірге іздеуге бағытталды.

Жалпыұлттық социал-демократиялық партиясының мүшелері Өскемендегі «Maxi Mall» сауда орталығында үгіт-насихат жұмыстарын жүргізді. Орталық келушілеріне сайлауалды бағдарламаның мазмұны мен негізгі бағыты таныстырылды. Үгіт тобы партияның бастамалары туралы мәлімет беріп, негізгі ұсыныстардың мәнін кеңінен түсіндірді. Бағдарламада қамтылған бағыттардың мақсаты көпшілікке түсінікті тілмен жеткізілді. Жүргізілген жұмыс сайлаушыларды партияның ұстанымдарымен тікелей таныстыруға бағытталды.

«Байтақ» жасылдар партиясының өкілдері Өскемендегі «Maxi Mall» сауда ойын-сауық орталығында сайлауалды үгіт шарасын өткізді. Жиын барысында қатысушыларға сайлауалды бағдарламаның мазмұны мен негізгі бағыттары таныстырылды. Бұдан бөлек, үгіт тобы Славский жағалауында қала тұрғындарымен ақпараттық жұмыс жүргізді. Көпшілікке партияның бастамалары түсіндіріліп, сайлауалды материалдар таратылды. Екі бағыттағы жұмыс сайлаушыларды бағдарламаның мазмұнымен таныстыруға арналды.

Қазақстан Халық партиясының мүшелері Өскемендегі сауда ойын-сауық орталықтары мен қоғамдық орындарда үгіт жүргізді. Жұмыс аясында партияның сайлауалды бағдарламасы жазылған ақпараттық материалдар таратылды. Бұдан бөлек, үгіт парақшалары қала аумағындағы арнайы белгіленген орындарға жапсырылды. Таратылған материалдарда бағдарламаның негізгі бағыттары мен ұсыныстары қамтылды. Атқарылған жұмыс қала тұрғындарын партияның сайлауалды ұстанымдарымен таныстыруға бағытталды.

«Ауыл» партиясының мүшелері Өскемендегі қоғамдық көліктер мен аялдамаларда сайлауалды үгіт жүргізді. Көлік жолаушылары мен қала тұрғындарына партия бағдарламасы көрсетілген ақпараттық кітапшалар таратылды. Кітапшаларда сайлауалды құжаттың негізгі бағыттары мен ұсыныстары туралы мәлімет берілді. Үгіт жүргізілген орындар қалалық автобус бағыттары мен жолаушылар аялдамаларын қамтыды. Жүргізілген жұмыс сайлаушыларды партия бағдарламасының мазмұнымен таныстыруға арналды.

«Ақ жол» партиясының белсенділері Өскемендегі сауда ойын-сауық орталықтары мен қоғамдық орындарда үгіт жүргізді. Қала тұрғындарына сайлауалды бағдарлама жазылған ақпараттық материалдар таратылды. Үгіт парақшалары арнайы белгіленген орындарға жапсырылып, тұрғындарға бағдарлама мазмұны түсіндірілді. Материалдарда партияның негізгі бағыттары мен ұсыныстары туралы мәлімет берілді. Атқарылған жұмыс сайлаушыларды партияның сайлауалды ұстанымдарымен таныстыруға бағытталды.

«Respublica» партиясының мүшелері бүгін облыстық ауруханада сайлауалды үгіт материалдарын таратты. Ақпараттық парақшаларда партияның негізгі бағыттары мен сайлауалды ұсыныстары туралы мәлімет берілді. Бұдан бөлек, осындай жұмыс Өскемендегі «Ивушка» және «Дос-Нар» базарларында жалғасты. Сауда орындарына келген тұрғындарға бағдарлама мазмұны жазылған материалдар ұсынылды. Жүргізілген үгіт жұмысы сайлаушыларды партияның сайлауалды ұстанымдарымен таныстыруға бағытталды.