Шығыс Қазақстан облысында таң сәріден бастап сайлау учаскелеріне алғашқы сайлаушылар келе бастады, деп хабарлайды Buqara.kz сайтының тілшісі.

Учаскелер ашылған алғашқы минуттардан-ақ өңір тұрғындары өздерінің конституциялық құқықтарын пайдаланып, Қазақстан Республикасы Құрылтайы депутаттарын сайлауға қатысу үшін дауыс беруге келді.

Бүгін облыстағы барлық 534 сайлау учаскесі сағат 07:00-де өз жұмысын бастады. Сайлаушыларға дауыс беруді ыңғайлы әрі қолжетімді өткізу үшін барлық қажетті жағдай жасалған.

ШҚО Аумақтық сайлау комиссиясының мәліметінше, өңірде 485 873 сайлаушы тіркелген.

Дауыс беру сағат 20:00-ге дейін жалғасады. Облыс тұрғындары күні бойы өз сайлау учаскелеріне келіп, өз таңдауын жасай алады.