Сайлау күні тұрғындарға көтеріңкі көңіл-күй сыйлайтын игі бастамалар жалғасуда, деп хабарлайды Buqara.kz сайтының тілшісі.

Сайлау учаскелерінің маңында тұрғындарға ұлттық тағам - бауырсақ ұсынылып, ыстық шай берілуде.

Дауыс беруге келген тұрғындар өз таңдауын жасап қана қоймай, қазақтың дәмінен ауыз тиіп, жылы атмосферада уақыт өткізуде.

Ұлттық тағамнан дәм тату тұрғындарға ерекше көңіл-күй сыйлап, сайлау күнінің берекелі әрі жайлы өтуіне үлес қосуда.