Көрші елден келген қонақтар Сібедегі Шалқар көлінде демалып, тасқа «Санкт-Петербург» деп жазып кеткен, деп хабарлайды Buqara.kz сайтының тілшісі.

Бейнежазба әлеуметтік желіде тарап, пайдаланушылар арасында наразылық тудырды.
– Полиция қызметкерлері Шалқар көлінің жартасындағы «Санкт-Петербург» деп жазылған граффитиге қатысы бар шетелдік азаматтарды анықтады. Тәртіп бұзушыларға заңға сәйкес шаралар қолданылды. Олар ҚР Әкімшілік құқық бұзушылық туралы кодекстің 505-бабы бойынша әкімшілік жауапкершілікке тартылды. Заң бұзушылармен сөйлесу жүргізілді, - делінген ШҚО Полиция департаментінің ақпаратында.
Тастағы жазу өшірілді.