Самар ауданындағы Бұқтырма су қоймасында ер мен әйел қайықпен жүзіп, ұзақ уақыт бойы демалыс орнына қайта оралмаған, деп хабарлайды Buqara.kz сайтының тілшісі.

Үш сағаттан кейін туыстары дабыл қағып, құтқарушыларды көмекке шақырды.
Олар тез арада іздеу жұмыстарын бастап, демалушыларды жағалаудан шамамен екі шақырым қашықтықтан тапты. Ер адам мен әйел жағаға жеткізілді.
Олар медициналық көмекке жүгінбеді.
Құтқарушылар су айдынына барғанда қауіпсіздік ережелерін сақтап, жақындарыңызға жоспарларыңыз туралы хабарлауды ескертті.