Бүгін партиялар Қазақстанның жаңа бір палаталы Парламентіне кіретін депутаттарды анықтады, деп хабарлайды Buqara.kz сайтының тілшісі.

Құрылтайдағы 145 депутаттық орын бес партия арасында бөлінді. Атап айтқанда, «Әділет» партиясына - 110, «Ауыл» партиясына - 10, Respublica партиясына - 9, ал ЖСДП мен «Ақ жол» партияларының әрқайсысына 8 орыннан берілді.
Олардың қатарында Шығыс Қазақстан облысының өкілдері де бар.
«Әділет» партиясынан:
– Ербол Нұрғалиев — ШҚО әкімінің орынбасары;
– Аяужан Әшімова — ШҚО Қоғамдық кеңесінің төрағасы;
– Динара Закиева — ҚР Бала құқықтары жөніндегі уәкілі;
– Ерлан Саиров — VIII шақырылымдағы Парламент Мәжілісінің депутаты;
– Әсел Баденова — «Жаңа адамдар» жастар қозғалысының көшбасшысы.

«Ауыл» партиясынан:
– Ажар Қажыбекова — ШҚО ауыл шаруашылығы басқармасының басшысы.
Айта кетейік, депутаттық қызметке ауысуына байланысты облыс әкімінің орынбасары және ауыл шаруашылығы басқармасының басшысы қызметтері бос қалмақ.