Ауданы тұрғындарымен кездескен өңір басшысы Нұрымбет Сақтағанов бес жылда коммуналдық инфрақұрылымды жаңғыртуға баса назар аударылғанын мәлімдеді, деп хабарлайды Buqara.kz сайтының тілшісі.

Сөзінше, осы бағытта 2020-2025 жылдар аралығында біршама ауқымды жоба сәтті жүзеге асырылды.
– Атап айтсақ, су жинау құрылыстары бойынша Самар ауылында 789,4 млн теңгеге реконструкция жүргізілді. Су құбыры желілері бойынша ауылдағы су жүйелерін реконструкциялауға 2,5 млрд теңге бағытталды, – деді Нұрымбет Сақтағанов.
Аймақ басшысы инфрақұрылымды дамыту жұмыстары мұнымен тоқтамайтынын атап өтті. 
– Жоспарға сәйкес 2026-2028 жылдары Самар ауылында ұзындығы 3,2 шақырым болатын магистральдық су құбыры тартылады. Көкжота ауылында 711 млн теңгеге су құбыры желілері мен жаңа құрылыстар бой көтереді, – деді ол.

Әдемі АМАНГЕЛДІ