Өткен демалыс күндері облыс орталығындағы Ертіс өзенінде катермен серуендеген 6 адам, оның ішінде 2 бала құтқарылды, деп хабарлайды Buqara.kz сайтының тілшісі.

Облыстық Төтенше жағдайлар департаменті мәліметінше, катер кенеттен істен шығып, ондағы адамдар жағаға өздері жете алмаған.

Құтқарушылар оқиға орнына жедел жетіп, демалушыларды жағаға аман-есен шығарды. Оларға медициналық көмек қажет болған жоқ. 

ТЖМ азаматтарды судағы қауіпсіздік шараларын қатаң сақтауға шақырып, төтенше жағдай туындағанда 112 нөміріне дереу хабарласуды сұрайды.

Фото: ШҚО ТЖД