«Өскемен-1» станциясының жаңа вокзалы маңындағы аумақ абаттандырылды. Жұмыс жолаушыларға қолайлы жағдай жасауға бағытталған, деп хабарлайды Buqara.kz сайтының тілшісі.  

Теміржол вокзалы маңына жарық шамдар мен орындықтар қойылды. Сондай-ақ мүмкіндігі шектеулі жандардың қозғалысына қолайлы жағдай жасау үшін пандус орнатылды.
Вокзалдың негізгі кіреберісінің алдына гүл отырғызылған. Бұдан бөлек, жолаушыларға қажетті ақпаратты жедел ұсыну мақсатында вокзал ғимаратына электронды ақпараттық кесте де бар.