19 қыркүйек күні Сағадат Нұрмағамбетов атындағы саябақта кітап фестивалі өтеді. Іс-шара сағат 16:00-ден 20:00-ге дейін ұйымдастырылады, деп хабарлайды Buqara.kz сайтының тілшісі.

Облыстық А.С. Пушкин атындағы кітапхана мәліметінше, кітап фестивалі оқырмандарды, жазушыларды, кітапханалар мен кітапсүйер қауымды біріктіретін танымдық-мәдени алаңға айналады.
Бағдарламада кітап көрмелері, жастарға арналған интерактивті алаңдар, квест, фотозона және түрлі мәдени-танымдық іс-шаралар қарастырылған.
Сонымен қатар фестиваль аясында концерттік бағдарлама ұсынылып, кітап пен руханият тақырыбында мазмұнды пікірталастар өтеді.