«Қазгидромет» РМК өкілдері қазан айында күтілетін ауа райына болжам жасады, деп хабарлайды Buqara.kz сайтының тілшісі.

Айдың алғашқы күндері өңірде күн жылы болады. Күндіз ауа температурасы +13…+18°С, түнде +3…+8°С шамасында сақталады. Кейін ауа райы күрт суытып, өңірдің басым бөлігінде түнгі температура 0°С-тан төмендейді. Облыстың шығысында -12°С-қа дейін суытуы мүмкін.
Екінші онкүндікте ауа температурасы құбылмалы болады. Күндіз +5…+10°С-тан +11…+16°С-қа дейін, түнде -2…-7°С-тан +2…+7°С-қа дейін өзгеруі ықтимал.
Үшінші онкүндікте де ауа райы тұрақсыз болады деген болжам жасалды. Ай ортасында күндіз ауа температурасы +15…+20°С-қа, түнде +5…+10°С-қа дейін көтерілуі мүмкін. Ал онкүндік соңында күндіз +2…+7°С, түнде -2…-7°С-қа дейін төмендейді.