Өңірде мал ұрлығының алдын алу және оның жолын кесуге бағытталған «Барьер» жедел-профилактикалық іс-шарасы өтті, деп хабарлайды Buqara.kz сайтының тілшісі. 

Полицейлер жүргізген рейд кезінде шаруа қожалықтары мен жайылымдық учаскелер де тексерістен тыс қалмады. Өткен-кеткен көліктер тоқтатылды. Осы уақыт аралығында 1276 автокөлік, ет өнімдерін сатып алу және сату бойынша 158 нысан, сондай-ақ 369 шаруа қожалығы мен жайылымдық учаске қамтылды.
Әкімшілік құқық бұзушылық туралы кодекстің 406-бабына сәйкес 14 құқық бұзушылық анықталды. Оның алтауы Алтай ауданында, үшеуі Ұлан ауданында және екеуі Өскеменде тіркелген.
Облыстық Полиция департаменті өкілдері мал иелерін жануарларын қараусыз қалдырмауға шақырады.