Облыс орталығында жеке тұрғын үй өртеніп, ер адам көз жұмды, деп хабарлайды Buqara.kz сайтының тілшісі.

Оқиға Шмелев лог ауданындағы Рылеев көшесінде болды. Өрт сөндірушілер келген кезде үйдің жанып жатқанын анықтады.
ШҚО Төтенше жағдайлар департаментінің мәліметінше, өрт 70 шаршы метр аумақта сөндірілді. Тілсіз жауды ауыздықтау барысында үйдің ішінен 1996 жылы туған ер адамның мәйіті табылды.
Қазір өрттің шығу себебі анықталуда.