Күздің басталуымен жолдарда жауын-шашын, ауа температурасының төмендеуі, желдің күшеюі жиілеп отыр, деп хабарлайды Buqara.kz сайтының тілшісі.

Осыған байланысты ШҚО Полиция департаменті жүргізушілерді жолда барынша сақ болуға шақырады. Ведомствоның мәліметінше, көлік жүргізушілері жылдамдықты ауа райы мен жол жағдайына қарай таңдауы, арақашықтықты сақтауы қажет. 
- Көлік тізгінінде мұқият болыңыздар. Ауа райы бұзылғанда тәуекелге бармаңыздар. Жылдамдықты төмендеткен дұрыс. Жолдағы қауіпсіздік әр жүргізушіден басталады, – делінген ақпаратта. 
Полиция жүргізушілерді ауа райы күрделенген жағдайда жолдағы қауіпсіздік талаптарын сақтап, асықпауға шақырады.