Төтенше жағдайлар министрі Мұрат Мұханов «Долинный» кенішіне барып, өндірістік қауіпсіздікті қамтамасыз ету жұмыстарын тексерді, деп хабарлайды Buqara.kz сайтының тілшісі.

Облысқа жұмыс сапары барысында министр жерасты алтын өндіру жұмыстарын ұйымдастырудан бөлек, өндірістік қауіпсіздік шараларын көріп қайтты. 
– Кеніште қызметкерлер мен техниканың орналасқан жерін анықтау, ауа-газ құрамын бақылау, соқтығысудың алдын алу, апаттық хабарлау және байланыс жүйелері таныстырылды. Бұл технологиялар жұмысшылардың қайда жүргенін бақылап, кеніш ауасының жай-күйін қадағалау мен ықтимал қауіптерге дер кезінде әрекет етуге мүмкіндік береді, – деді облыстық ТЖД баспасөз қызметіндегілер.