Қолданба дүйсенбіде дұрыс жұмыс істемей, қала тұрғындарын әбігерге салды, деп хабарлайды Buqara.kz сайтының тілшісі.

Өскемендіктердің сөзінше, 9 қараша күні таңертең автобус бағыттары дұрыс көрсетілмей, жол ақысын да төлеу қиындаған. 
«Алматы көлік холдингі» ЖШС аймақтық филиалының өкілдері аталған мәселеге қатысты түсініктеме берді. 
– Сағат 07:10-нан бастап кейбір жолаушылар QR код арқылы қоғамдық көлікте жол ақысын төлеуде қиындыққа тап болды. Ал қолданбадағы ақпарат жаңартылуы кешіктірілген болуы мүмкін. Біз барлық қызметі 08:50-де қалыпты жағдайға қайтардық. Шыдамдылық танытып, мәселелерді хабарлағандарыңыз үшін рақмет, - делінген ресми мәліметте.