24 қазанда сағат 22:00 шамасында азамат А. алкоголдік масаң күйде көлікпен келе жатып, жол белгілерін қағып кеткен, деп хабарлайды Buqara.kz сайтының тілшісі.

Катонқарағай аудандық сотының баспасөз қызметінің ақпаратынша, оның көлік құралдарын басқару құқығы болмаған. 

-Тәртіп бұзушы өз кінәсін мойндады. Оның жасаған әрекеті масаң күйде болғаны  туралы сот сараптама қорытындысымен және ЖКО-ның сызбасымен дәлелденді. Сот шешімімен азамат А. ӘҚБК-нің 608-бабы 6-бөлігіне сай кінәлі деп танылып, оған 20 тәулікке әкімшілік қамаққа алу түрінде жаза тағайындалды, - делінген мәліметте. 

Сот қаулысы заңды күшіне енді.