2021 жылы «РОСИБ» ЖШС жобалау ұйымы жалпы құны 262,6 млн. теңге болатын Өскемен қаласы Дружбы Народов көшесін сумен жабдықтау желілерін салу бойынша жобалау-сметалық құжаттама әзірледі, деп хабарлайды Buqara.kz сайтының тілшісі. 

Жобада 34 үй тұрғындарын қамтамасыз ету үшін ұзындығы 1 427 метр су құбыры желілерін салу құрылысы көзделген.

Биыл жобаны іске асыруға толық қаржыландыру бөлінді, шарт - «Alyans XXI» ЖШС-мен жасалынды.

Қазіргі уақытта суық сумен жабдықтау желілерін төсеу жұмыстары аяқталды, нысанды ағымдағы жылдың желтоқсан айының соңына дейін іске қосу жоспарлануда, соның нәтижесінде облыс орталығының 102 тұрғыны алғаш рет сапалы сумен жабдықтау қызметтерімен қамтамасыз етіледі.