Шемонаиха қаласында Березовский көшесіндегі уақытша жұмыс істемейтін кәуапхана ғимараты отқа оранды, деп хабарлайды Buqara.kz сайтының тілшісі.

Өрт сөндірушілер келгенде ғимараттан қою түтін шығып, жиһаз бен жеке заттар жанып жатты. Өрт аймағынан газ бен оттегі баллоны шығарылып, 30 шаршы метрді құрайтын өрт сөндірілді.

Зардап шеккендер жоқ. Қазіргі таңда оқиғаның неден болғаны анықталуда.