Ұлан аудандық соты баспасөз қызметінің мәліметінше, 21 қарашада түнгі уақытта көлік құралдарын басқару құқығы жоқ ер адам «Өскемен-Семей» тасжолының 55-ші шақырымында масаң күйде көлік жүргізген, деп хабарлайды Buqara.kz сайтының тілшісі.

-Медициналық куәландырудың қорытындысына сәйкес оның орташа дәрежедегі алкогольдік масаң күйде болғаны анықталды. Жүргізуші кінәсін толық мойындап, жасаған ісіне өкінді, - деді Ұлан аудандық сотының баспасөз қызметіндегілер. 

Осылайша, Ұлан аудандық соты ӘҚБтК-нің 608-бабы 6-бөлігі бойынша жиырма тәулікке қамауға алу түрінде әкімшілік жаза тағайындады. Сот актісі заңды күшіне енді