Бүгін аймақ басшысы Ермек Көшербаев мамандармен бірге Самар және Күршім аудандарындағы су қоймаларына мониторинг жүргізді, деп хабарлайды Buqara.kz сайтының тілшісі.

Синоптиктер ақпан айында жауын-шашын мол болады деп болжап отыр. Облыста қазірдің өзінде нормадан тыс қар жауды. Сондықтан жағдай жергілікті атқарушы органдардың ерекше бақылауында.

Қазір гидро және метеорологиялық қызмет мамандары қардың деңгейін ғана емес, ондағы су көлемін де үнемі қадағалап отырады. Гидротехникалық құрылыстар зерттеліп, әр су қоймасы бойынша су тасқынына қарсы жоспар әзірленді.