Облыс орталығында әлеуметтік қызметтерге мұқтаж балаларды қолдау орталығының директоры полицияның көмегіне жүгінген, деп хабарлайды Buqara.kz сайтының тілшісі.

Анықталғандай, өңірдің 42 жастағы тұрғыны сот шешімімен алимент төлеу міндетін орындамай келе жатыр. Әйелдің 7 кәмелетке толмаған баласы орталықта тәрбиеленуде, ал алимент бойынша қарызы 9 миллион теңгеден асқан.

Аталған факті бойынша қылмыстық іс қозғалып, тергеу амалдары жүргізілуде.