ШҚО Полиция департаменті баспасөз қызметінің мәліметінше, Өскемендегі оқу орындарының бірінде бопсалау фактісі бойынша қылмыстық іс қозғалды, деп хабарлайды Buqara.kz сайтының тілшісі.

Анықталғандай, 19 жастағы жігіт бірнеше ай бойы екі студентке қысым көрсетіп, ірі көлемде ақша талап еткен. Тіпті шағын несие алуға мәжбүрлеген. Осы уақыт ішінде жәбірленушілер оған жалпы сомасы шамамен 1 миллион теңге қаражат берді.
Құқық қорғау органдары оқиғаның мән-жайын анықтау, ықтимал куәгерлерді анықтау және жиналған материалдарды талдау бойынша кешенді шаралар жүргізуде.
Қазіргі уақытта сот шешімімен күдікті үйқамақта отыр.