Трамвай паркі 780 миллион теңгеден астам сомаға вагон сатып алды, деп хабарлайды Buqara.kz сайтының тілшісі.

Мемлекеттік сатып алу порталында жалпы сомасы 784 179 000 теңгеге (ҚҚС-сыз) үш вагон сатып алуға лот жарияланды. Тапсырыс беруші - «Өскемен қаласының көлік компаниясы» ЖШС.

Техникалық ерекшеліктерге сәйкес бір вагондағы жалпы орын саны 30-дан 33-ке дейін, номиналды сыйымдылығы 110 адам, максималды сыйымдылығы 160 адам болуы керек. Барлық трамвайлар мүмкіндігі шектеулі адамдардың қажеттіліктерін қанағаттандыру үшін жабдықталуы тиіс. Сондай-ақ вагондар бейнебақылау жүйесімен жабдықталуы қажет. Мердігер жол ақысын төлеу жүйесін орнату үшін трамвайларды дайындауы керек.

Құжаттамаға сәйкес, вагондар тапсырыс беруші өтініш қалдырған күннен бастап 120 күннен кешіктірілмей жеткізілуі тиіс. Жеткізуші - «Агро Бизнес Казахстан» ЖШС.