2025–2027 жылдары қонақүй кешендерін, демалыс орындарын, медициналық және экологиялық туризм нысандарын салуға 22,7 миллиард теңге инвестициялау жоспарлануда, деп хабарлайды Buqara.kz сайтының тілшісі.

Ең ауқымды жобалардың бірі - Катонқарағай ауданындағы «Wellness Resort» сауықтыру кешені.

Облыста туризмнің дамуы жұмыс орындарының ашылуына ықпал етуде. Қазіргі таңда 27,3 мың жұмыс орны бар, оның 17,2 мыңы қонақүй және тамақтандыру, 10 мыңы өнер, ойын-сауық және демалыс саласында жұмыс істейді.

Сонымен қатар туристік инфрақұрылымды жақсарту үшін әр ауданда заманауи санитарлық-гигиеналық қондырғылар орнатылуда.