Әлеуметтік желілерде облыс орталығындағы саяжай кооперативтерінің бірінде ер адам иттің тамағын кескені туралы ақпарат тарады, деп хабарлайды Buqara.kz тілшісі. 

Жараланған жануар ауыр жағдайда ветеринарлық клиникаға жеткізілді. Сондай-ақ иттің бес күшігі бар екендігі белгілі болды. Оларды қазір қала тұрғындарының бірі асырап алған. 
Куәгерлер оқиға орнына полиция шақырып, күдікті ұсталды. Көпшілік ер адамның ұрда-жық мінез-құлқы өздеріне де қауіп төндіреді деп үрейленеді.

Қазақстан Республикасы Қылмыстық Кодексінің 316-бабына сәйкес жануарларға қатыгездік жасаған адам 120 АЕК-ке (479 040 теңге) дейiнгi мөлшерде айыппұл арқалауға, не сол мөлшерде түзеу жұмыстарына, не жүз жиырма сағатқа дейiнгi мерзiмге қоғамдық жұмыстарға тартылуға, не отыз тәулiкке дейiнгi мерзiмге қамауға алынуы мүмкін.