Бүгін Ұлан ауданына қарасты Бозанбай ауылындағы «Бүркіт төбе» алаңында «Шығыс Салбурыны-2025» фестивалінің соңғы күні өтті, деп хабарлайды Buqara.kz сайтының тілшісі.

Аталған сайыс биыл бесінші мәрте ұйымдастырылып отыр.

Оған көршілес Қытай, Ресей, Испания, Мажарстан, Моңғолия, Қырғызстан және елдің әр өңірінен 100-ден астам спортшы қатысты. Бұдан бөлек, фестивальді тамашалауға келгендер саны 10 мыңға жетті.

Сонымен қатар «Бүркіт төбе» алаңында 40 киіз үйден құралған этноауыл бой көтерді. Танымал эстрада жұлдыздары Кенжебек Жанәбілов, Досымжан Танатаров пен «Алатау серілері» тобы өнер көрсетті.