Бұл туралы аудан әкімі Серік Жеңісов мәлім етті, деп хабарлайды Buqara.kz сайтының тілшісі.

Жыл соңына дейін Самар ауданында бірнеше антенна-мачта құрылғысын орнату жоспарлануда.

– Азаматтардың өтініштері бойынша Палатцы ауылында антенна-мачта станциясының құрылысы басталды. Айдың соңына дейін ауыл тұрғындары сапалы интернет пен тұрақты ұялы байланысқа қол жеткізеді, – деді Серік Жеңісов.

Аудан басшысы монтаж жұмыстарының барысымен танысып, кестеге сай жүріп жатқанын атап өтті.

– Жалпы Самар ауданында жыл соңына дейін осындай бірнеше станция орнатылып, тек елді мекендер ғана емес, жағалау бойындағы туристік аймақтар да тұрақты байланыспен қамтылатын болады, – деді әкім.