Республика күні қарсаңында Құлынжон ауылында жаңа әлеуметтік нысан — Самар ауданы әкімдігінің халыққа әлеуметтік қызмет көрсететін аумақтық орталығы ашылды, деп хабарлайды Buqara.kz сайтының тілшісі.

Мұнда логопед, дефектолог, психолог, массажист және еңбек терапиясы нұсқаушысы сияқты мамандар жұмыс істейді.

— Ғимарат заманауи, кең кабинеттер мен ойын аймақтарымен жабдықталған. Облыс әкімі Нұрымбет Сақтағановқа орталыққа сыйға берілген автокөлік үшін алғыс білдіреміз. Бұл қолдау ауыл балаларын орталыққа тасымалдауды айтарлықтай жеңілдетеді, - деді Самар ауданының әкімі Серік Жеңісов.