Паром Самар ауданы мен Үлкен Нарын, Қатонқарағай аудандарын байланыстырып, туристер үшін қызықты орынға айналуға дайын, деп хабарлайды Buqara.kz сайтының тілшісі. 

Аталған паром туристердің сүйікті орнына айналған.

-  «Одесса» паромының иесімен сөйлестім. Осы жылы шығыс-кірісі бірдей болыпты. Бұрын Күршім, Тарбағатай, Марқакөлдің тұрғындары ары-бері қатынаған. Бағасы 3500-4000 теңге көлемінде болды. Осы жолы Атыраудан келген туристерді байқап қалдым. 10 000 теңге болса да паромға аямаймыз деді. Демек, паромды туристік орын ретінде дамыта аламыз. Оны қолға алатын боламыз, - деді Самар ауданының әкімі Серік Жеңісов. 

Егер бәрі жоспар бойынша жүзеге асса, келесі жылы Самар жағалауындағы демалушылар туристік пароммен көрші аудандарға қызықты саяхатқа шығуға мүмкіндік алады.