5 қараша күні аудан әкімі Дархан Жөргекбаевтің төрағалығымен әкімдік отырысы өтті, деп хабарлайды Buqara.kz сайтының тілшісі.

Күн тәртібінде бірқатар маңызды мәселелер қаралды. Атап айтқанда, 2025 жылдың 10 айындағы аудан бюджеті қаражатының игерілуі туралы аудандық экономика және қаржы бөлімі басшысының баяндамасы тыңдалды. 28-29 қараша күндері өтетін «Туған жер – алтын бесігім» фестиваліне дайындық барысы туралы аудандық ішкі саясат бөлімі, аудандық мәдениет, тілдерді дамыту, дене шынықтыру және спорт бөлімі, аудандық ауыл шаруашылығы, жер қатынастары және кәсіпкерлік  бөлімі басшылары ақпарат берді. Шығыс Қазақстан облысының өңірлік жұмыспен қамту картасының іске асырылуы және субсидияланатын жұмыс орындары индикаторларының орындалуы бойынша аудандық мансап орталығының есебі қаралды.

Аудан әкімі Дархан Шомпайұлы сала басшыларына нақты тапсырмалар беріп, олардың орындалуын бақылауда ұстауды міндеттеді.