Аудан халқының азайып бара жатқанын брифинг барысында аудан әкімі Дархан Жөргекбаев айтты, деп хабарлайды Buqara.kz сайтының тілшісі.

Оның сөзінше, аудан халқы соңғы жылдары айтарлықтай кеміген.

- Аудан болып бөлінгенде 19 мың тұрғын болса, қазір 18 мыңға әрең жетеміз. Халық санын тұрақтандыру үшін биыл Оңтүстіктен 80 адам келді. Оларға бар жағдай жасалып жатыр. Баспана мәселесі шешілуде. Алдағы уақытта бұл бағытта тағы бірқатар жұмыс атқарылады, - деді Дархан Жөргекбаев.

Әкімнің сөзінше, өзге өңірлерден қоныс аударған азаматтарға ерекше қолдау көрсетіліп отыр. Аудан басшысы олардың әрқайсысының үйіне барып, жағдайымен жеке танысып, тұрақты байланыста болады екен. Сонымен қатар көшіп келген отбасылар ең бірінші кезекте жұмысқа орналастырылады.

Әкімдік өкілдері қоныс аударушыларға инфрақұрылым, баспана және әлеуметтік қолдау бағытындағы кешенді шаралар жалғасатынын айтты.