Бұл туралы Өңірлік коммуникациялар қызметі алаңында өткен брифингте Тарбағатай ауданының әкімі Дархан Жөргекбаев мәлім етті, деп хабарлайды Buqara.kz сайтының тілшісі.

Мектеп құрылысы биыл көктемде басталды. 
- Сарыөлең ауылына 550 млн теңгеге жаңа мектеп салынып жатыр. 2026 жылы қолданысқа беріледі деп жоспарлануда. Жалпы биыл білім беру инфрақұрылымын жетілдіру, оқу процесінің сапасын арттыру және білім беру ұйымдарының материалдық-техникалық базасын нығайту бағытында бірқатар нысанда жөндеу және жаңғырту жұмыстары жүргізіліп, толықтай аяқталды. Оған 253 млн теңге қаражат бөлінді. Нәтижесінде оқу орындарының материалдық жағдайы жақсарды, - деді аудан басшысы.
Анықталғандай, биыл Құйған ауылындағы орта мектепте 350 млн теңгеге күрделі жөндеу жұмыстары басталды. Ол 2026 жылы толығымен аяқталады.