ШҚО Білім басқармасының өкілдері маусымдық тұмау мен жедел респираторлық инфекциялар бойынша жағдайдың тұрақтануына байланысты өңірдегі барлық білім беру ұйымында оқу процесі дәстүрлі (оффлайн) форматта жалғасып жатқанын мәлім етті, деп хабарлайды Buqara.kz сайтының тілшісі.

Қашықтан оқыту форматына көшуге негіз болған факторлар жойылып, санитарлық-эпидемиологиялық ахуалдың жақсаруына байланысты сабақтар штаттық режимде өтуде.

Қазір білім беру үдерісі қолданыстағы санитарлық талаптар мен қауіпсіздік шараларын сақтай отырып, толық көлемде жүргізіліп жатыр.