Малонарымка ауылында жеке тұрғын үй аумағындағы шаруашылық құрылысы отқа оранды, деп хабарлайды Buqara.kz сайтының тілшісі.

Радиобайланыс арқылы түскен белгі бойынша Алтынбел ауылындағы «Ауыл құтқарушылары» ерікті өрт сөндіру пунктінің еріктілері өрт сөндіру бөлімшелерімен оқиға орнына жедел жетті.

Құтқарушылар мен еріктілердің үйлесімді іс-қимылының нәтижесінде өрт қысқа мерзімде сөндірілді.

Зардап шеккендер жоқ. Өрттің себебі анықталуда.

Естеріңізге сала кетейік, жуықта Алтынбел ауылында 154-ші ерікті өрт сөндіру пункті ашылған еді.