Мемлекет басшысы Қасым-Жомарт Тоқаев атом электр станцияларының құрылысы аяқталғанын күтпей, жаңа энергетикалық қуатты іске қосу жұмыстарымен айналысуды тапсырды, деп хабарлайды Buqara.kz сайтының тілшісі Stan.kz ақпарат агенттігіне сілтеме жасап. 

- Күн тәртібіндегі маңызды жобаларды жедел іске асыру керек. Атап айтқанда, Көкшетау, Семей және Өскемен қалаларында жаңа ЖЭО салу. Бұл мәселені шешу созылып кетті, ал халық күтіп отыр. Бұл наразылығым Үкімет пен “Самұрық-Қазына” қорына бағытталады, — деді Қасым-Жомарт Тоқаев.

Сонымен қатар Президент Курчатов қаласындағы электр станциясын уақтылы іске қосуды, ГРЭС-2-дегі қосымша энергоблоктарды пайдалануға беруді және Екібастұздағы ГРЭС-3 құрылысына кірісуді тапсырды.