Үкімет отырысында Көлік министрі Нұрлан Сауранбаев Президент тапсырмасы бойынша салынып жатқан үш әуежайдың жағдайы туралы мәлімет берді, деп хабарлайды Buqara.kz сайтының тілшісі KAZINFORM сайтына сілтеме жасап. 

- Мемлекет басшысының тапсырмасына сәйкес, биыл Катонқарағай, Зайсан және Кендірлі курорттық аймақтарындағы туристік әуежайлардың құрылысы, Арқалық қаласының әуежайын қалпына келтіру жұмысы аяқталады. Осы туристік маусымда Зайсан әуежайы алғашқы рейстерді қабылдайды, - деді ол.

Еске салсақ, бұған дейін Көлік вице-министрі Талғат Ластаев Катонқарағай, Зайсан және Кендірлі әуежайларын түгел 2026 жылы қолданысқа беретінін айтқан болатын.