ШҚО Жоғары спорт шеберлігі мектебі мен Олимпиадалық даярлау орталығының тәрбиеленушілері Руслан Курбанов пен Кирилл Проходов жаңартылған әлемдік рейтинг бойынша әлемнің ең үздік 8 семсершісінің қатарына енді, деп хабарлайды Buqara.kz сайтының тілшісі.

Екі спортшы да Қазақстан ұлттық құрамасының көшбасшылары. Олар Еуропа мен Азияның жетекші семсерлесушілерімен тең дәрежеде бақ сынап жүр. Бұл жүйелі дайындықтың, бапкерлер еңбегінің және Шығыс Қазақстанда спортты жоспарлы түрде дамытудың нақты нәтижесі.

Екеуінің әлемнің үздік сегіз спортшысының қатарына енуі - қазақстандық спорт үшін маңызды жетістік әрі Шығыс Қазақстанның жоғары спорттық әлеуетін айқын дәлелдейді.