«Қазгидромет» мәліметінше, 26 ақпанға қараған түні өңірдің солтүстігі мен шығысында ауа температурасы 40 градусқа дейін төмендеп, қатты аяз болады, деп хабарлайды Buqara.kz сайтының тілшісі.

Мамандар тұрғындарға елдімекендерден тыс жерлерге шықпауға, қатты аязда аса қажеттілік болмаса, үйден шықпауға кеңес береді. 

– Далаға шыққан жағдайда жылы әрі бірнеше қабат киім кию қажет. Қоғамдық көлікті ұзақ уақыт күтіп тұрмауға тырысыңыз.
Көлікті жылыту үшін ашық отты пайдаланбаңыз. Қосымша жылыту құралдарын қолданғанда, электр жылытқыштарының өрт қауіпсіздігі талаптарына сай екеніне көз жеткізіңіз, – делінген ақпаратта.

Төтенше жағдай туындаған жағдайда «112» нөміріне хабарласыңыз.