Оқиға кешке Сәтбаев даңғылындағы жаяу жүргіншілер өткелі маңында болған, деп хабарлайды Buqara.kz сайтының тілшісі. 

Жасөспірімнің анасы кәмелетке толмаған қызы кешкі сағат 21.00 шамасында мектептен автобуспен қайтып келе жатқанын алға тартты. Мас ер адам оны қоғамдық көлікте мазалай бастапты.

Қорыққан қыз аялдамада автобустан түсіп қалған. Бірақ ер адам оның соңынан еріп, жаяу жүргіншілер өткелінде шабуыл жасады.  

– Аталған факт белгіленген тәртіппен тіркелді. Қазір оқиғаның мән-жайы анықталып жатыр. Іске қатысы бар адамдардың қайда екенін анықтау үшін тергеу және іздеу жұмыстары жүргізілуде, – делінген Полиция департаменті мәліметінде.