ШҚО әкімдігі отырысында шаһардың сол жағалауындағы аудандарда білім ордасының жетіспеушілігі мәселесі көтерілді, деп хабарлайды Buqara.kz сайтының тілшісі.

Қазір «Нұрлы жол» ықшамауданында 600 оқушыға арналған №50 орта мектеп жұмыс істейді. Аймақ басшысының орынбасары Ербол Нұрғалиев атап өткендей, ауданда 2000-нан астам бала тұрады. Оның пікірінше, бұл қала құрылысы жоспарларындағы қате есептеулерді көрсетеді. Енді соның өтемін толтыру қажет. Сәулет және қала құрылысы басқармасының басшысы Руфат Акрамов аталған ауданда оқушылар орнының жетіспеушілігі мәселесі бар екенін растады. Бұл мәселені шешу үшін Спорт шағын ауданында мектеп салу жоспарлануда.