Энергетика министрлігі биыл елдегі инфрақұрылымның тозу деңгейін 2 пайыз төмендетпекші, деп хабарлайды Buqara.kz сайтының тілшісі KAZINFORM сайтына сілтеме жасап. 

— 2026 жылы электр станцияларында 9 энергиялық блокты, 55 қазандықты және 51 турбинаны жөндеу жоспарланған. Сонымен бірге 17,1 мың шақырым электр желісін, 444 қосалқы станцияны жөндеу көзделіп отыр. 377 шақырым жылу желісін жаңалау жоспарымызда бар, — деді Ерлан Ақкенженов.

Министрдің сөзінше, аталған жобалар энергетика инфрақұрылымының тозу деңгейін 2% төмендетеді.

— Сондай-ақ, бұл жылыту маусымының тұрақты өтуін қамтамасыз етуге мүмкіндік береді, — деді ведомство басшысы.