Оқиға 3 наурызда Серікбаев көшесінде болды, деп хабарлайды Buqara.kz сайтының тілшісі.

Анықталғандай, «Daewoo» маркалы №33 автобустың жүргізушісі жылдамдықты сақтамаған. 
- Автобус жүргізушісі бағдаршаммен басқарылатын қиылыста жылдамдықты сақтамаған және жолдағы жағдайларды ескермеген. Нәтижесінде ол көлікті басқара алмай, бағдаршамның жасыл түсі жанғанда жолдан өтіп бара жатқан қызды қағып кетті, - делінген ШҚО Полиция департаменті баспасөз қызметінің мәліметінде.  
Ресми ақпаратқа сүйенсек, жаяу жүргінші жедел жәрдем көлігімен ауруханаға жеткізілді. Қазір полиция оқиғаның мән-жайын анықтау үшін тексеру жүргізуде.