Өткен сенбіде облыс орталығында «Таза Қазақстан» акциясы аясында сенбілік өтті, деп хабарлайды Buqara.kz сайтының тілшісі.

Оған облыс әкімі Нұрымбет Сақтағанов пен шаһар басшысы Алмат Ақышов та қатсты. Сенбіліктен соң Алмат Талғатұлы аймақ басшысына Самал саябағын қайта жаңарту жобасын ұсынды. 

- Халық отбасыларымен келіп демалатын қоғамдық орынға ауқымды қайта жаңарту жұмыстары жүргізілмек. Жоба шеңберінде қоршаулардың қорғаныш жабындарын қалпына келтіру, шағын сәулеттік нысандарды жаңарту, футбол, баскетбол, волейбол алаңдары мен скейт-паркке күрделі жөндеу жүргізу жоспарланған. Нұрымбет Сақтағанов қала әкімі мен мердігер компания басшысына жұмыс сапасына баса мән беру қажеттігін айтты, - делінген ШҚО әкімі баспасөз қызметінің ақпаратында.