Қаланың сол жағалау бөлігіндегі қайыңы мол аумақта жаңа экосаябақ салу жоспарланып отыр, деп хабарлайды Buqara.kz сайтының тілшісі.

Жобаға сәйкес, демалыс аймағында тұрғындар мен қала қонақтарына арналған бірнеше нысан бой көтермек. Атап айтқанда, мұнда шағын футбол алаңы, балалар және спорт алаңдары, серуендеуге арналған пирс пен скандинавиялық жүріске арналған арнайы жол салынады.
Бұған дейін облыста үш экопарк құру жоспарланғаны хабарланған болатын. Олар Өскеменде, Таулы Үлбіде және Ұлан ауданында орналасады.