Өңірде отбасылық-тұрмыстық саладағы қылмыстық құқық бұзушылықтар санының төмендегені байқалады. Он айдың қорытындысы бойынша мұндай деректер саны 146-дан 117-ге дейін азайды, деп хабарлайды Buqara.kz сайтының тілшісі.
ШҚО Полиция департаментінде атап өткендей, жыл басынан бері отбасылық-тұрмыстық салада құқыққа қайшы әрекеттер жасаған 3 922 адам ӘҚБтК-нің 73-бабы бойынша әкімшілік жауапкершілікке тартылды. Учаскелік полиция инспекторлары жәбірленушілерді қорғау мақсатында 2 917 қорғау нұсқамасын шығарды. Сот шешімімен құқық бұзушылардың мінез-құлқына қатысты 722 ерекше талап белгіленді.
Облыста «Қауіпсіз үй», «Зорлық-зомбылықсыз Қазақстан», «Бізден сұраңыз, біз жаныңыздамыз» және «Сталкингке жол жоқ» атты әлеуметтік акциялары ұйымдастырылуда. Олардың мақсаты — қиын жағдайға тап болған адамдарға көмек бар екенін жеткізу және ешкімнің өз мәселесімен жалғыз қалмауына ықпал ету.
Көмекке мұқтаж әр адам 111 және 150 сенім телефондарына хабарласа алады.
Пікірлер