Соңғы күндері жиілеген жауын-шашынға байланысты тау бөктеріндегі аудандарда өзендердегі су деңгейі көтерілуі мүмкін, деп хабарлайды Buqara.kz сайтының тілшісі.

«Қазгидромет» РМК облыстық филиалы мәліметінше, нөсер жауын әсерінен өзендерде су деңгейінің көтерілу қаупі бар.
Осыған байланысты облыстық Төтенше жағдайлар департаменті өкілдері тұрғындарға арықтар мен жылғалардың арналарын қоқыстан тазалап, олардың бітелуіне жол бермеуді, сондай-ақ гидрологиялық жағдай туралы ресми хабарламаларды тұрақты бақылап отыруға кеңес берді.