Шемонаиха ауданының ерлер құрамасы Алтай ауданының Жаңа Бұқтырма кентінде өткен Шығыс Қазақстан облысының аудандары арасындағы ашық XVIII футбол чемпионатының финалында жеңіске жетті, деп хабарлайды Buqara.kz сайтының тілшісі.

Турнир барысында олар жоғары шеберлік, ұйымшылдық, жеңіске деген жігер мен нағыз командалық рух көрсетті. Нәтижесінде команда облыс чемпионы атағын жеңіп алып, бас жүлдені қанжығасына байлады. 

Бұл жеңіске команданың жаттықтырушылары Г.А. Пушкарев пен Е.Ю. Матвеевтің кәсіби біліктілігі мен қажырлы еңбегі зор үлес қосты.